ياصدمتي في اقرب احبابي وياخيبة ظنوني

ياصدمتي في اقرب احبابي وياخيبة ظنوني
ياضيق صدري لاذكرت اني عليهم ماكذبت
ياطعنة خلتني انسى من سبايبها طعوني
ياجرح ماله طب حتى لو اقول اني استطبت
البارحه والله يكون بعون خافقي وعوني
احاول اهرب من عمايلهم ولكن ماهربت
ماكنت احس اني انا..انا وهذا الكون كوني
أمر في حالة ضياع وضيق وغيبوبه وكبت
أحباب..أي احباب ذول اللي على موتي خذوني
الظاهر اني شبت ياعالم وانا مابعد شبت
سألت نفسي هم يبوني صدق والا مايبوني
أجبت نفسي وليتني على سؤالي ما اجبت
اللي لهم مدة وهم في داخي واستغفلوني
ياما أستغفلوا طيبتي معهم وكل اللي وهبت
وهبتهم قلبي وشجوني وكل ما حولي ودوني
تعبت معهم بس ما كأني رغم هذا تعبت
شعرت فعلا بالعذاب وحرقة الدمع بعيوني
قربتهم مني وانا اللي كنت احسب اني قربت
عشانهم قررت ابيع اللي من العالم شروني
عشانهم مالعــــــبت وليتني والله لعبت
مادامهم ماقدروا صدقي ولاهم وفولي
لو ادري اخرها كذا في ذمتي كان انسحبت
أحبابهم واااااجد ولاادري ليه فيهم علقوني
مع ان عمري ماغصبت انسان فيني ولاجبرت
ياقوها صدمه وأنـــا لون الغدر ماهوب لوني
والله ما انلام لوبعد الذي سووه غبت
ماكنت ناقص صدمه اخرى في حياتي واصدموني
مصدوووم خلقة لين مااات الحب فيني وانعطبت
الحين مدري كيف أعاملهم وهم ماقدروني
ما أستوعبوا اللي كتبت من القصيد وماكتبت؟؟!**
الله ياجازيهم على استنزاف عاطفتي وفنوني
ماكنت حاسبهم يبيعون الغلا يومي حسبت!
أثر الغلط مني لأني كنت معطيهم جنووووني
لكني أعلنها صريحه (تبت والله ثم تبت)
ماعاد لــي رغبه اجدد في علاقتهم طعوني
خســــرت في هذا الطريــق أضعاف ضعف اللي كسبت
أحســن لــي أبعد واشتري نفسي ولا خيبة ظنوني
ان طبــت من جرحــي وإلا جعــلنـي مايوم طبت

كلمااااااااات جميله معبره
الله يبعد عنا الصدمااااااااااااات يارب
قاهرهم
الف شكر على الاختيار الجميل
الذي يدل على علو ذوووقك

مشكوووووووووووووووووووووووووووووووووووووووووووووووووووووووووووور

عزيزي على الابيات الروووووووووووووووووووووووووووووووووووعه

في الاجمال والتعبير