جـرح الكرامـه مـاهـوب جــرح كــذاب...عـنـد الكـرامـه ابـيـع حـتــى ضنـيـنـي @
________________________________________
بـدري حبيبي تـوه الجـرح مــا طــاب
زيـدي همـومـي واجـرحـي واتركيـنـي
سيف ركزته وسـط قلبـي ولاهـاب
كـمـلي جميـلـك اطـعــني الـيــوم عـيـنـي
مابـي عيونـي تشتكـي جـور الاهــداب
ولابــي احــد غـيـري يـــداوي انـيـنـي
ماقـد طلبتـك بــس انــا الـيـوم طــلاب
وابــي عـلـى كـثـر الـرمــل تكرهـيـنـي
لأنـي كرهـتـك صــدق ولانـيـب لـعّـاب
صعـبـه عـلـى مثـلـي خيـانـة حنـيـنـي
يـامـا جرحتـيـنـي بـــلا ايـــة اسـبــاب
وهـالـمـرة عـــاد اقـــول لا تحتـريـنـي
لاتحتري قلب شكى الضيم منصاب
تعـب يــذوق مــن القـهـر مــا يجيـنـي
جـرح الكرامـه مـاهـوب جــرح كــذاب
عـنـد الكـرامـه ابـيـع حـتــى ضنـيـنـي
عودت انـا نفسـي علـى جلـد وعطـاب
لامـن قـصـرت يمـنـاي بقـطـع يديـنـي
نفسـي عزيـزة لـوهـو العـشـق غــلاب
ماهـنـت انــا نفـسـي وتشـهـد يميـنـي
قلتيـلـي انسـانـي انـــا اقـــول بـتــراب
بـتــراب ابـيـعـك دام بـعـتـي سـنـيـنـي
خـلاص روحـي لعنبـو قلـب مــا تــاب
روحـي لهـوى غيـري وغيـرك يبيـنـي
الحـيـن روحــي اقفـلـي بـعـدك الـبـاب
ابكـي عـلـى نفـسـك وبعـديـن ابّكيـنـي
موضوع: جـرح الكرامـه مـاهـوب جــرح كــذاب...عـنـد الكـرامـه ابـيـع 
الخميس نوفمبر 22, 2007 7:09 am